HStAOrient5a: 5v

cevāb vėrdi‑ki: İnkārumuzda sebeb budur ki Muḥammed ʿaleyhi ṣ‑ṣalāt // ve‑s‑selām Mūsā ʿaleyhi s‑selāmuñ emr ėtdüginüñ ḫilāfın emr // ėtmişdür. Emr‑i evvelüñ ḫilāfın emr ėtmek bedādur yaʿnī // peşīmānlıqdur. Ḥakīm‑i dānāya peşīmānlıq nā‑sezādur. Civān-i // suḫandān eyitdi: Siz dėmez misüz ki ḥaqq taʿālā bize Tīhe gitmek // fermān ėtdi ve qırq yıl anda mekān dutduq? Cehūd // dėdi‑ki: Belī. Civān dėdi‑ki: Pes ḫudā‑i taʿālā buyurmadı‑mı // ki Tīhden ricʿat ėdüb Beytü l‑Muqaddese ʿavdet ėdüñ? // Cehūd eyitdi: Belī. Civān eyitdi‑ki: Emr‑i meẕkūr daḫı bedā olur // ve bedā ḥakīme nā-revā olur. Cehūd cevāb vėrmeyüb mebhūt // oldı. Faqīr eyidürin: Bu maqāmda taḥqīq‑i merām budur ki ṭāʾife‑i // Yehūd leʿanehumu llāhu nesḫ‑i ḥükme inkār ve şerīʿat‑i Mūsā ʿaleyhi // s‑selāmuñ teʾbīdinde ıṣrār ėdüb delāʾil‑i naqlīye vü ʿaqlīye // īrād ėtmişlerdür. Ammā delāʾil‑i naqlīyeden kütüb‑i muʿtebere‑i uṣūlde // meẕkūr olanuñ meşhūrı budur: Ḥażret‑i Mūsā // ʿaleyhi s‑selām Tamassakū bi‑s‑sabti ay bi‑l‑ʿibādati fīhi mā dāmati // s‑samawātu wa‑l‑arḍ dėmişdür ve bu ḫaber bize tevātürle menqūldür